A Nu Leh A Nautê Chu Mel 187 Hlaa Awm Damdawi Inah A Cycle In A Hruai Hlawm

Vietnam ram Quyet Chien ramah naupang kum 13 a upa chuan nausen thla hnih mi chu damdawi in lamah kalpui a ngai tih hriaiin a nu nen Hanoi lam panin cycle khalhin a hruai hlawm.

Hetih hun lai hian a pa chu a hna chungchangah zin bo lai tak a ni a, an awmna khua Son La atang chuan Hanoi chu mel 187 zet a hla a ni nghe nghe.

An awmna khua chu kawng tha in a pawh ve loh avangin Chien chuan School kal nan Cycle hi a hmang thina, hetia harsatna an tawh tak avang hian a cycle chu a endik thlap hnu chuan a nau damlo leh a nu chu damdawi in lamah a kalpui ta hlawm a ni.

Chawl miah lova darkar 5 zet an tlan hnu chuan Hoa Binh khua mel 60 hla chu an thleng thei hram a. Chien chu a ke te chu a vungin a duk hman vek a ni. An vanneiha siamin Chien te nufa chuan Motor leh a khalhtu fel tak Le Van Tuyen chu kawngah an tawk ta a, he pa hian Hanoi lam pan chuan a hruai ta hlawm a ni.

Damdawi in an thlen hnu chuan police te puihnain an chhungkaw paber pawh chu an be pawp thei ta a ni. Chien a nu chuan harsa taka a fapa in a fa sen nen damdawi in a rawn hruai thlendan chu mittui nen helai hmuna lo awmte hnenah a sawi chhuak.

Helai damdawi ina lo thawkte leh thuneitu lam hotu liante chuan Chien chanchin an han hriat meuh chuan mak an ti hle a ni. Damdawi ina thawk doctor pakhat chuan motor a lo ngaihtuahsak hlawm a, an senso zawng zawng pawh a lo tumsak a ni.

Be the first to comment

Leave a Reply

Your email address will not be published.


*