An Hringtu Nu’n A Thihsan Ni Rei Lovah An Hringtu Pa’an A Kalbosan

He thil thleng hi hriat thiam a va har si em! Thil nithei lo tura kan ngaih pawh hi mi thenkhat tan chuan a lo nithei lawi si. An fa upa ber pawh hi kum 13 mi lek a la ni a, a naute enkawl chu a koah a innghat ta a ni. An hringtu nu’n a thihsan a an lung a lengin an khua a har em ema chutih mek lai chuan an pa in a kalsan thei tlat hi thil mak leh rapthlak tak zawng a va ni em.

Philipines ram Cavite, Trece Martires khua a mipa naupang kum 13 Manuel Olivares chuan a naute pathum chu duat takin a enkawla a damlai a a nuin a lo enkawl dan angin a naute chu lehkha a zirtira chaw a pea a bual thin. An mahni hmangaih em emtu an hringtu hian dam lohna avangin alo boralsan tawha an ngai thin hle a ni. Khawhar taka an awm lai chuan an hringtu pa hian a tuamhlawm peih lo ni ngei tur a ni” zankhat thil thuah a kalna tur hmun pawh sawi lovin a kalchhuaka a rawn kir tawh lo.

Nu leh pa an nei tawh lo a ni bera a u Manuel hian a naute chu school ah a thlaha tlai ban hunah a va hmuak leh thin a ni. A naute enkawltu ber Manuel pawh hi kum 13 mi lek (naupang tia lam) a la ni si a, a chang chuan a rilru hah lutuk hi a tap thin. A naute hmunah chuan a in ti pachang vea a rilru hah chang leh lunglen zual chang hian a rukin a tap thin a ni. A naute school kal hlanin ram a thlaihnah emaw burchhia te a zawnga nikhat Php 100 (U$1.96) vel a hmu ve thin a, chu chuan buhfaite an leia an kham lo nasa hle mai.

An thenawm pa Nick Jabonita chuan Manuel te unau chu a khawngaih hlea a neih ang ang chawhmeh emaw, theirah, buhfaite a va pe thin. An ni pawh mi harsa ve tho an ni a, an unau 4 ei tur kham khawp chu a va pe reng thei bik silo. An thenawm pa Nick chuan social media lamah tanpuina a ngen saka tunah hian Imus Terminal Mall CEO te chuan Manuel te unau hi an tanpui. An mamawh zual buhfai bag engmaw zat leh nepzawi (chhitui, chi, Ajinamoto, Etc) pawh an pea hman chawp tur sum an pek bakah an tualah dawr chhete an siam sak bawk.

Be the first to comment

Leave a Reply

Your email address will not be published.


*