Cancer Leh Thisensang Natna Tana Tha Anthur (Hibiscus) Thlai

Natna hlauhawm leh tihbaiawm tak cancer natna leh thisen sang natna kan tihte pawh ti dam thei damdawi thate zingah thlai chikhat anthur kan tih mai Mizotena kan ngainat em em pawh hi an zirchianna atangin a tel ve tih an hmuchhuak. Ram tam takah pawh he thlai hi thisen sang enkawl nan an hmang nasa niin an sawi.

Anthur ah hian vitamin-A, Vitamin- B2, Vitamin-B3, vitamin-C, Protein, Calcium, Magnicium, Patassium, Phosphorus, Sodium leh Carbohydrates-te a tela a hrisel em em a ni. Vitamin-C hian kan taksa a natna awmte awlsam takin a tidam theia cell chhe tur vengtu a ni bawk.

Cancer natna vengtu tha tak a nih bakah inkaichhawn theih natna thenkhat lak atangin min veng thei a ni. Hei bakah hian arthur thlaia calcium awm hian kan ruh leh tihrawl a ti chak bawk. Ha tan a tha hle bawk niin an sawi.

Anthur ah hian Hydroxycitric Acid (HCA) tia hriat organic acid tam tak a awma hei hian thauchhia leh rihna a tihniam thei tih hriat a ni bawk.

Zirchianna hnuhnung ber atanga a lan danin arthur ah hian vitamin chi hrang hrang a awm bakah thisen sang damdawi atan a tha hle tih an hmuchhuak a ni. An sawi zeldanin arthur ah hian Antioxidant cancer cell tidam theitu a awm avangin ei tam a pawimawh tihna nih chu.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.