Hnarkua (Nostrils)a Vicks Hnawih Hian Boruak Hip Luh Leh Thawk Chhuah Lamah Harsatna A Thlen Thei Tih Doctor-ten An Sawi

Hritlang âwmna, khuh leh taksa nuamsam lo tlang hrileng natna in min tlak buakin heng tuihu lum (hot steam) hip luh emaw damdawi mum doctor min chawh apiangte kan ei thin a hei bakah product lar tak vicks kan tihte pawh hi kan hmang thin ngei in a rinawm.

Vicks ointment hi oil chihrang hrang lakkhawma siam a nia hei ai mah hian Eucalyptus Oil hi hnarphui kan tih ang ah phei chuan a tha zawk niin an sawi. Vicks kan tih mai hi hnarkua-ah hnawihin emaw hip luhin hnarphui thawk that theihloh tireh nan an hmang tlangpui a ni.

Mahse, hmanni maia Doctor pakhat Facebook post atanga a landanin Vicks kan hman thin hi a finthlak ber lo tih a tarlang ta tlat mai. A chhan chu khua reiah taksa hriselna a nghawng thei niin a sawi bawk. Physician Dr. Hawa J Edriss, United States-a St Joseph Hospitala thawk chuan pavalai lam Vicks lo hmang fo tawh a enkawlna atangin Vicks hman rei thatlohzia leh a nghawngte a zirchhuak niin a sawi.

He damlo a enkawlna atanga a thil hmuh chu he dam lo hian a hnara boruak a hip dan a mumal thei lova a thawhna lam buai avang leh pneumonia akai avangin hospital-ah admit a ni deuh reng tih a sawi bawk.

Doctor chuan dam lo chuap chu thla 6 dan ah vawi 2 CT scans an tihsaka heta tanga a landanin pneumonia a lo vei tih an hmu chhuaka antibiotics hmanga enkawl a nih tih a tarlang. A dam mai theih loh avangin an han zir chiang leh thina pneumonia satliah nilovin exogenous lipoid pneumonia a vei tih hriat a nia treatment an lo pe sual tih a sawi nghe nghe.

He natna hi ran thau leh thlai hnah atanga oil emaw mineral oil kan hip luh atangin a kai theih niin Doctorte chuan an sawia a tlangpuiin hip luh a nih atanga minute 30 velah a lang chhuak nghal thin tih Dr. Hawa Edriss chuan a sawi.

He natna atang hian engtin nge kan inven ang le? A chhanna chu Vicks hman loh a him tihna a ni. Vicks ah hian heng petrolatum, eucalyptus oil, cedarleaf oil, nutmeg oil, thymol leh turpentine oil te telin hei hian chuap chak lo leh hnathawk tha theilo a thlen tih doctorte chuan an sawi. Source:WOB

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.