Kuwait Rama Awmpui Hmeichhe Boral Ta An Ram An Thlenpui Tak Ruang An Endikna Result Chu A Chhuak Ta

Kuwait rama awmpui hmeichhe boral an ram an thlenpui tak ruang an endikna result chu chiang zawk leh mumal zawkin mipui vantlang hriat turin January ni 12 khan an puang fel ta.

Villavende hi an velhna hliam a tuar mai piah lamah duh tawka sawisak leh pawngsual a ni tih NBI chuan an tarlang a ni.

Philipines ram National Bureau of Investigation (NBI) in Villavende ruang an endiknaah hian pawngsual a nih hma karkhat chhung kha pawngsual a nih mai bakah kut pawh an thlak nasa tih an puang a ni. Villavende ruang hi an ram thlenpui a nih hnu ni 10 a liam hnuah NBI chuan a endik (postmortem) a ni.

A vawikhatna atan Kuwait ram Doctorte ruang endikna result chu NBI hian an ti lang lo a, Philipines Justice Secretary Menardo Gueverra chuan Villavende hi tihluihna hmanga pawngsual a nih hnuin kut an thlakna hliam thenkhat panser te pawh hmuh tur a awm thu a sawi.

Kuwait ram Doctorte pawhin an endikna an puanzar danin he hmeichhe lainatawm tak mai hi rikrap a nih fo avang leh kut thlak a tawrh thin avangin a lungphu a tha lova a dinhmun hian a chhiat lam panin a thih phah an ti ve bawk. Villavende hi Kuwait a thlenna atangin thla 5 vel chauh a nih thu an sawi a ni.

Philipines ram President Duterte pawhin heng pawi khawihtu nupa hi Kuwait police-ten an man tawh a ni tih Interview-na a neih laiin Villavende chanchin a sawi ve bawk.

Philipines ram Department of Foreign Affairs pawhin he thila mawh phurhtu nupa te chanchin hi an ngaihven reng thu a tarlang.

DFA Secretary Teddy Locsin Jr pawhin “Mit aiah mit, nunna aiah nunna” tiin Twitter lamah a ziak lang a ni. Villavende ruang sawng bawlna atan hian Philipines sawrkar pawisa P1,000,000 pek an nih thu pawh hriat a ni.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.