Mingilnei Leh Thiantha Chunhchuang Medical Worker Ropui Chu

Kumthar 2020 lo thleng ta chu nausen Parker Lynn, thla tlinglo a piang tan chuan kum bul tanna duhawm lo tak maiah a lo chang ta. He nausen lainatawm tak mai hi 2019 atang tawh khan chuap lam thatlohna nei a ni tih hriat a ni.

Mahse, Iowa MercyOne Des Moines Medical Centre a hna thawk hmangaihna ngah chungchuang leh mi ngilnei tak avangin he naupang hi natna tuar mah ni se a chunga thil thleng chu a makin a lawmawm dangdai em a ni.

Parker hi Jacob leh Cassie Baker-te inkarah 2019 khan a pianga, NICU-ah ni 200 zet enkawl a nih hnuin ngaih tha takin a haw ta a ni.

Mahse, Parker hi a Chuap a virus hnathawh chak tak avangin hospital lamah dah luh leh a ni. A nun chhanhim nan medical lam thuam rip tak nen thuam a nia, a chuap tihdam tumin ECMO hmanga thawktir a ni nghe nghe. Tianga Parker hospital khuma let reng chu helai hmuna hnathawk fel tak avangin a nu leh pate pawh an thla a muang hle niin an sawi.

Dane Pratt, MercyOne hospital a Cardiovascular Perfusionist hian Parker enkawlna atan a chuangliamin a enkawl tih an sawia he hmeichhe naupangtê lawm zawng leh nuam tih zawng takin zankhaw tairek thleng lehkhabu a chhiar sak thin tih hriat a ni. Tiang hian a khum bulah thutna remin Parker chu lehkhabu a chhiarsak fo thin ani.

Nu leh pate tan chuan damdawi lama thiamna nei sang leh mahni hna piahlama hun hmang thin mi ropui tak han hmuh chu a ngaih thatthlak ngawih ngawih awm e. Nu leh pate hian an fate tumah damdawi ina awm tur chuan an beisei lova tianga vanduaina tawka natna avanga hreawm taka enkawl ngaite chu engemaw chen an lo hlim ve nan leh nuam an tih ve zawk nan tiang hian a tih thin thu Pratt chuan a sawi.

“Mite tan a chuangliama hna thawh tih awmzia chu mel tam tak kal a tul chuang lo, lehkhabu chhiar ang mai hian thil awllai tak a ni mai a ni” tiin a sawi ve nghe nghe. Jacob Barker pawhin a fanu naupangtê chu rinphak piahlamin a that chhuah ngei a beisei tih a tarlang bawk.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.