Nuber-in A Kalsan Tak A Unau Mipate 2 Tan Nu Aiawh Dinhmun Luahtu Hmeichhe Naupang Fel Leh Rintlak Tak Chu

Philipines rama Surigao del Sur district, Bislig khua Mangagoy hmuna cheng hmeichhe naupang kum 11 mi chuan a unau mipate 2 chu dawmkanga a chawitlei lai tak chu Keina Espilona tia koh pa pakhat chuan facebook-ah a share tih hriat a ni.

He hmeichhe naupang hi Rhea tia koh niin Christmas dawn tep ah khan a nu chuan an unau rualin a kalbosan ta daih tih an sawi. Tianga nu berin a kalsan tak hnu chuan mang ang takin an awma a nau mipate 2 Isaih kum 2 mi leh Isaac kum 4 mite chu nuber dinhmun luahin a theih ang tawk in a enkawl ta a ni. Nuber hi an nu tak a ni lo tih an sawi.

Tianga nu ber mahni fate ngei pawh ngaihsak lova kalbo ta mai chu a rapthlakin eng ang rilru nge a put tak ang le?? A nau mipa pakhat phei chu a hriselna a that tawk loh avang leh thla tlinglova piang a nih avangin enkawl a hautak hle tih an sawi.

Rhea chu kum naupangtê mah ni se a nau mipa 2 tan engkimah engkim ni thei turin a rilru a buatsaih nghala nu ber ang maiin a chawl ngai meuh lo a ni. Chhungkaw pa ber hi Rene Oraiz tia koh niin an chhungkaw chawm nan nitin ramah a kal thina in lamah a fate a enkawl hman meuh lo a ni tih an sawi.

Tianga hian thiante zingah pawh infiam leh intihhlimna hun pawh nei lovin a naute tan a inpumpek tawp anih chu! A fak awmin hmeichhe rintlak a va han ni teh lul em!

Hmeichhe naupang Rhea chanchin chu social media lamah a darh ta chiam maia TV show pakhat pawhin interview an neihpui nghe nghe.

Hemite unau hian tanpuina neuh neuh an dawn bakah a nu tak tak pawh an zawnpui mek tih hriat a ni bawk. Rhea a nu tak hi Algie Enomar niin Philipines ram Tangub khuaah chhungkua neiin a khawsa mek tih hriat a ni.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.