Pafa Ni Lovin, Mitdel Leh Kawngsira Vakvai Mipa Naupang Chu

Mi thenkhat chuan naupang kawngsira vakvai, chenna tur nei lote hi mi awm tha lo leh misualah an ngai thina an chanchin kan hriat hmasak loh avangin kutdawh leh mi luhlulah kan chhuah mai thin. Mi thenkhat chuan an huhphurhsa em em thin a ni.

Mahse, ngaih ang mai chu a lo ni hauh awm love. Mi pakhatin Mitdel upa lam deuh leh kutdawh naupang pakhat chaw an inbarh lai chu a camera in a la fuh hlauh mai.

He thlalak naupang zawkin mitdel chaw a barh lai chu social media lamah a darh ta chiam maia tun hmain an lo inhre ngai bik lo tih tarlan a nia mi tam tak thinlung a hneh kher mai.

Thlalatupa in a sawi danin mitdel pakhat chu chaw dawr pakhatah harsa ti takin chaw a bar meka tianga khua pawh hmulova chaw a ei lai chu naupang vakvai hian lo hmuin a en reng thei bik lova chaw chu a barh ta a ni tiin a sawi.

Amah ngei pawh inenkawl zo lo leh mi vakvai tanpui ngaia hun a hman mek laiin tianga mitdel tanpui duhna thinlung a han pu ta chu mite lawm a hlawhin an ngaisang em em tih an tarlang bawk.

He naupangte hian emgmah innghahna pawh a nei lova tianga chaw a barh zawh hnu hian a kalsan ve leh mai niin thlalatu hian a sawi.

Be the first to comment

Leave a Reply

Your email address will not be published.


*