Pastor Pakhat Chuan Biak In Chhungah A Nupui A Thah Hnuin Pulpit-ah Ama Nunna Pawh A Inla Zui

Kenya ramah Pastor pakhat chuan a nupui a that hnuin pulpita a din lai in a hrawkah inzaiin a nunna a inla ve zui tih hriat a ni. Tualchhung police-te sawidanin Biakin chhung mipui inkhawmte chu thlabar in an te tuar nasa niin an sawi.

Mombasa khuaa Ground for God’s Gospel Churcha Assistant pastor Elijah Misiko chu a thutna atangin a tho thuta a nupui senior pastor Ann Mughoi pulpit a thu chu chemte in a vit tih police-te chuan an sawi.

Mombasa khua police chief Julius Kiragu chuan he pastor hi a nupui thuruk hrilh tur ang maiin tawgtai laiin a thutna atanga tho in a nupui a pan tih a sawi a ni.

A nupui chu a thi tih a finfiah hnuin amah pawh a pumah leh a nghawngahte chema in vit ve nghalin a boral zui ve ta a ni. Misiko hi biak inah hian a thi nghala a nupui erawh damdawi in lam panpui a nih hnuin a boral tih report-na chuan a tarlang.

Thuhretute sawidanin hemite nupa hi he biakbuka luber nihna inchuhin an lo inhnial fo tawh thu an sawia, 2017 khan a nupui chuan a pasal Misiko in thah a tum niin a sawia police hnenah report a thehlut nghe nghe a ni. Misiko hi hun reivaklo chhung chu police-te kutah a lo awm tawh tih an sawi bawk.

Hemite nupa hian fa 4 an neia mahse, an vai hian an indang tawh niin an sawia, biakin a hotu nihna inchuhin an nupa hian an buai ziah tjin tih an sawi bawk.

Misiko hian a nunna a inlak chhan pawh point 17 vel zet ziaka dahin a nupui chunga a lungawiloh thu pawh a tarlang. Kenya ram hi Africa khawmualpuia awm niin mi cheng 50 million vel an awm a ni. US President hlui Barack Obama pa pianna ram a ni. Source:Daily Nation

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.