Tleirawl Pakhat Chu Sex Sal-ah Hmangin A That Zuia A Ruang Huanah Phumruin Police-ten An Haichhuak

Thailand rama millionaire chhungkua chet dan hi a rapthlak tih piahlam a ni. Hmanni mai khan he an thil tih hi alo irhchhuak ta a ni. An fapa kum 40 mi chu police-ten an man zui nghal bawk.

An fapa Apichai kum 40 chuan hmeichhe tleirawl pakhat chu mipathmeichhiatna hmanpui thinin thir bawmah khungin a that zuia an huan kawmchar lamah alo phum ru a nih chu!

A pa pawh hi mi nunrawng tak niin hmeichhe naupangte chu sangha khawina bawm a khawih tih avang maiin a lo that tawh bawk niin an sawi. A ruang pawh entlak loh khawpin a lo chan sawm vek tih an sawi.

He mihausa fapa, Apichai hian tunhmain tleirawl kum 17 mi chunga mawilo taka a chet avang leh sex a lo hmanpui avangin police-ten an lo man tawh nghe nghe tih an sawia jail atanga a chhuah hnuin tiang hian pawikhawihnaah a inhnamhnawih lehin an man ta a ni.

Apichai chuan kum hmwichhia 22 a upa Warinthorn “Kuk-Kik” Chaiyachet chu a thah a nilo niin a sawia mahse, police-ten a ruang chu an huanah an hmu leh ta a ni.

Apichai hian he tleirawl nen hian ruihtheih thil leh sex an hmandun thin thu a sawia a khawsak dante chu police-te hmaah a puang chhuak ta vek a ni. A hnua a sawi danin he hmeichhe tleirawl hi a hmangaih em avang leh amah a kalsan a hlauh avangin bawmah hian a khungbet ta a a tukah an en chuan a lo thi tawh a ni. Police-te chuan Warinthorn ruang hi an endik dawn thu an sawi.

Police-te chuan Apichai chetdan an en chuan he tleirawl hi hreawm taka a siam hnuin a that zui a nih ngei an ring nghet tlat tih an sawi.

2013 ah pawh khan pawngsual, silai danlo anga a kawl leh ruitheihthil a khawih chungchangah man a ni tawh bawk.

Apichai hi a chungchang ngaihtuah mek a nia thitura a chungthu rel a nih ngei ring an tam hle a ni. Dan anga hremna lekkhawh ngei an tum tih thuneitute chuan an sawi bawk. Source:Amaarintv

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.