Zankhuaa A Phone Charge Chu Puakin, An In A Kan Hnuah Amah Ngei Pawh Kangkaiin A Thih Phah

Thailand rama chhungkaw pakhat chenna in chu mobile phone charge-na atanga kangmei chhuak avangin an in kan ral hnuah chhungkaw nu ber pawh kang telin a thih phah. He vanduaina hi December ni 19 khan Thailand ram, Nakhon Si Thamarat khuaah a thleng a ni.

He ina zankhuaa an phone charge a puah lai hian Nisachol Sawasdiwong, kum 33 mi leh a pasal Yothin kum 36 a upate chu khumah tui takin an lo muhil tih an sawi. THE SUN in a tarlan danin pa ber hi vanneihthlak takin meikhu zingah pawnah a chhuak hman hram niin a sawi.

A nupui Nischol erawh tlanchhuah a tumna lamah a tlu palha nikhawhrelova awm zuiin kangmei hian a man ta hlauh a ni. Mei hian a kang nasa hle mai a taksa chu entlak loh khawpin a awm tih an sawi.

Kang thelhtute chuan in kang an thelh mih zawh veleh he hmeichhe lainatawm tak ruang hi la chhuakin a kang chhe hneh kher mai tih an sawi. He kangmei hi Nisachol in zankhuaa a phone charge-na plug chu current short in tiang hian vanduaina leh thihna rapthlak tak a thlen phah ta a ni.

A ruang hi postmortem a nih hnuin vuiliam a nia a pasal Yothin pawh December ni 27 thleng khan engmah hrelova awmin hospital lamah enkawl mek a nih thu an sawi. Source:Thairath

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.