Zu In Nasat Avanga Thin (Liver) Chhe Tawh Chu Scientist-te Chuan Siam That Leh Theih An In Rin Thu An Sawi

Zirchianna thar ber an neihna atanga a landanin mithiamte leh mihring taksa lam zir chiang tute chuan engtik hunah emaw chuan zu in nasat avanga thin chhe nasa tawh chu a ngai awh leh thei tura an siam leh theih ngei an inbeisei thu an tarlang.

Zu in avanga thin tha lo leh chhia hi cirrhosis an tia chuap lam a khawih tel hian Fibrosis an ti bawk. He tissue hliam hnuhma hian tissue hrisel zawkte kha a tichhe theia he natna vei i nih chuan a damdawi a awm lova beisei a bo hle a ni.

Mahse, Mayo Clinic Scientist-te chuan he thil hi an thlak danglam theih ngei an ring tlat tih hriat an sawi ta tlat mai le. Lab a tissue leh sazu hmanga an zirchiannaah reseach team-te chuan protein chi 2 fibroplast he natna thlentute hi block theih an rin thu an sawi bawk.

Chuap leh thin natna lo awm chhan leh zawi zawia a lo chhiat dante chu Scientist-te chuan hrethiamin a tihdam dan kawng leh a enkawldan chu an zir chho mek zel a ni. Kum rei vak lo atang khan Scientist-te chuan protein chi 2 an hmuchhuak niin an sawia he protein 2 te hi genes nen inzawmna neiin an sawi bawk.

Proteins 2, YAP leh TAZ te hian natna dang an thlen thei niin an sawia abikin cancer natna an thlen deuh bik niin an sawi bawk. Mayo Clinic team chuan he fibroplast chungchang hi uluk taka zir chiangin YAP leh TAZ-te hi lo dan beh block dan kawng an ngaituah mek tih hriat a ni.

An zirna thar berah hian dopamime an hmuchhuak tih an tarlanga Dopamine hi a tlangpuiin central nervous system lam chian lohna zir chian nan an hmang tlangpuia, an thil zirchhuah chu hmasawn nasa tak a ni tih team hmahruaitu Dr. Daniel Tschumerlin chuan a sawi.

US mipui 100,000 vel zet chu chuap lam thalo pulmonary fibrosis natnain a tibuai tih an sawia, mi 30000 atanga 40000 te chu he natna an vei tih kum tin hmuhchhuah a ni. US mi cheng puitling 400 zinga 1 zel in thin thalo natna an vei tih an sawia he thil hian ziaawm lam aiin zual lam a pan zel zawk tih an sawi bawk.

Be the first to comment

Leave a Reply

Your email address will not be published.


*